കോവിഡ് വ്യാപനം : തമിഴ്നാട്ടിൽ നിയന്ത്രണങ്ങൾ കടുപ്പിച്ചു.
ഏപ്രിൽ 08, 2021
ചെന്നൈ : കോവിഡ് വ്യാപനം രൂക്ഷമാകുന്ന സാഹചര്യത്തില് നിയന്ത്രണങ്ങള് കടുപ്പിച്ച് തമിഴ്നാട്. സെക്രട്ടറിയേറ്റില് ചേര്ന്ന യോഗത്തിലാണ് തീരുമാനം. ബസുകളില് ഇരുന്ന് മാത്രം യാത്ര, തിയേറ്ററിലും, വ്യാപാര സ്ഥാപനങ്ങളിലും ഹോട്ടലുകളിലും മാളുകളിലും ഒരേ സമയം 50 ശതമാനം ആളുകള്ക്ക് മാത്രം പ്രവേശനം.
വിവാഹങ്ങളില് 100 പേര് മാത്രം , മതപരമായ പരിപാടികള് ചടങ്ങുകള് മാത്രമായി ചുരുക്കണം. ആഘോഷങ്ങള് പാടില്ല. രാത്രി എട്ട് മണിക്ക് ശേഷം ആരാധനാലയങ്ങളില് സന്ദര്ശനം അനുവദിക്കരുത് എന്നിവയാണ് പുതിയ നിയന്ത്രണങ്ങള് . ഇത് ഏപ്രില് പത്ത് മുതല് നിലവില് വരുമെന്നും സര്ക്കാര് അറിയിച്ചിട്ടുണ്ട്.
3986 പുതിയ കോവിഡ് കേസുകള് റിപ്പോര്ട്ട് ചെയ്ത സാഹചര്യത്തിലാണ് നിയന്ത്രണങ്ങള് ശക്തമാക്കാന് തമിഴ്നാട് തീരുമാനിച്ചത്. മറ്റ് സംസ്ഥാനങ്ങളില് നിന്ന് വരുന്നവര്ക്ക് ഇ-പാസ് പരിശോധന കര്ശനമാക്കുമെന്നും സര്ക്കാര് അറിയിച്ചു.