എസ്എസ്എല്സി-പ്ലസ് ടു പരീക്ഷയ്ക്ക് പോകുമ്ബോള് ഇക്കാര്യങ്ങൾ ശ്രദ്ധിക്കുക; നിര്ദേശങ്ങളുമായി ആരോഗ്യവകുപ്പ്
ഏപ്രിൽ 07, 2021
തിരുവനന്തപുരം: സംസ്ഥാനത്ത് കോവിഡ് പ്രതിരോധം ഊര്ജിതമാക്കുന്നതിന് ചീഫ് സെക്രട്ടറി വി.പി. ജോയിയുടെ നേതൃത്വത്തില് ഉന്നതതല യോഗം ചേര്ന്നു. കോവിഡ് കേസുകള് വര്ധിച്ച സാഹചര്യത്തിലും തെരഞ്ഞെടുപ്പ് കഴിഞ്ഞ സാഹചര്യത്തിലും മാറ്റിവെച്ച എസ്.എസ്.എല്.സി, പ്ലസ് ടു പരീക്ഷകള് ആരംഭിക്കുന്ന സാഹചര്യത്തിലും ജാഗ്രത പാലിക്കണമെന്ന് യോഗം വിലയിരുത്തി.
പരീക്ഷയ്ക്ക് പോകുമ്ബോള് വിദ്യാര്ത്ഥികളും രക്ഷിതാക്കളും അധ്യാപകരും ഒരുപോലെ ശ്രദ്ധിക്കേണ്ടതാണ്. തെരഞ്ഞെടുപ്പ് ഉദ്യോഗസ്ഥര്, പോളിംഗ് ഏജന്റുമാര്, തെരഞ്ഞെടുപ്പ് ക്യാമ്ബയിനില് സജീവമായി പങ്കെടുത്തവര് എന്നിവര് വളരെയേറെ ശ്രദ്ധിക്കേണ്ടതാണ്. എന്തെങ്കിലും കോവിഡ് രോഗ ലക്ഷണങ്ങള് കണ്ടാല് സ്വയം നിരീക്ഷണത്തില് കഴിയേണ്ടതും കോവിഡ് പരിശോധന നടത്തേണ്ടതുമാണ്
45 വയസ് കഴിഞ്ഞവര് എത്രയും വേഗം കോവിഡ് വാക്സിനെടുക്കേണ്ടതാണ്. ഇതിനായി www.cowin.gov.in എന്ന വെബ്സൈറ്റില് മുന്കൂട്ടി രജിസ്റ്റര് ചെയ്യേണ്ടതാണ്.